Киім дизайнері

Киім дизайнері - киімнің жаңа үлгілерінің эскиздерін жасайтын маман. Оларды ойлап тауып, күнделікті өмірге бейімдейді. Бұл жаңа бейнелер жасауды ұнататын және шығармашылықпен айналысқысы келетін адамдар үшін қызықты және перспективті мамандық.

Киім дизайнері көбінесе функционалды және эстетикалық тартымды гардероб заттарын жасауға тырыса отырып, киім, аяқ киім және аксессуарларды жасайды. Ол үшін маманға өнер тарихын білу, қолмен, графикалық планшетте, визуалды редакторларда сурет сала білу, стильдерді түсіну, клиенттермен келіссөздер жүргізе білу маңызды.

Тәжірибесі аз киім дизайнерінің орташа жалақысы 100-120 мың теңге аралығында.

Осы біліктілік бойынша ойдағыдай білім алу және одан әрі жемісті жұмыс істеу үшін студенттің өнер, сызу, математика саласында білімі болуы тиіс.

Киім дизайнері коллекциялардың тұжырымдамаларын ойлап табады, эскиздердің суретін салады, модельдерді құрастырады, техникалық құжаттамаларды дайындайды, барлығын өндіріске қосады және сапасын бақылайды. Сондай-ақ ол тігіншінің өлшемін алу, өрнек салу, тігу сияқты жұмыстарын орындай алады, бірақ бұл оның негізгі міндеті емес.

Креативтілік және идеяларды түрлендіру қабілеті, шығармашылық ойлау, зерделілік пен ұқыптылық, еңбекқорлық пен шыдамдылық, жауапкершілік, коммуникабельділік сияқты жеке қасиеттер қажет. Жоғары білікті маман болу үшін минималды тәжірибе - 5 жыл.

Осы қызықты да шығармашыл мамандықтың артықшылығы - атақты және танымал болу мүмкіндігінің болуында, демек жақсы табыс табу, сондай-ақ қажетті жағдай туындаған кезде үйде отырып жұмыс істей беру мүмкіндігі де бар.

Жас маман жұмыстың кез-келген кезеңінде тапсырыс берушімен келіспеушіліктің негізінде туындаған стресстік жағдай сияқты қындықтарға тап болуы мүмкін. Киім дизайнерінің жұмысы ауыр.

Нормаланбаған жұмыс кестесі мандықтың кемшілігі болып табылады, жиі қысқа мерзім ішінде, кейде тіпті түнде де жұмыс істеуге тура келеді. Сұранысқа ие болу үшін көп нәрсені біліп, істей алу керек және трендтерді бақылап жүру қажет.